“Mançester Siti”nin hücumçusu Erlinq Haalan 2022-20223 mövsümündə Premyer Liqanın ən yaxşı futbolçusu adına layiq görülüb.
Corner.az xəbər verir ki, bu barədə Premyer Liqanın rəsmi saytında məlumat verilib.
Norveçli Premyer Liqanın 20 klub kapitanının və futbol ekspertlərindən ibarət heyətin səsverməsi ilə mükafata yiyələnib. O, Kevin De Bruyne (“Mançester Siti”), Harri Keyn (“Tottenhem”), Martin Edeqor, Bukayo Saka (hər ikisi “Arsenal”), Markus Reşford (“Mançester Yunayted”) və Kiran Trippierdən (“Nyukasl”) çox səs toplayıb.
Qeyd edək ki, Haland bu mövsüm Premyer Liqada 35 oyunda 36 qol vurub, 8 assist edib. O, “Mançester Siti”nin çempionluğunda əsas pay sahibi olub.
