İngiltərə Premyer Liqasını 18-ci yerdə başa vuraraq, Çempionşipə yuvarlanan “Lester” on futbolçusunu itirə bilər.
Corner.az “The Mirror” nəşrinə istinadən xəbər verir ki, İngiltərənin bəzi top klublarının maraq dairəsində olan Harvi Barns və Ceyms Maddison komandanı tərk edəcəklər.
Bundan başqa, Çağlar Söyünçü, Conni Evans, Daniel Amarti, Rayan Bertrand, Nampalis Mendi, Ayoze Perez və Youri Tilemans kimi futbolçuların da iyunun sonunda “Lester” karyerası başa çatacaq. Böyük ehtimalla, Vilfred Ndidi də “tülkülər”dən ayrılacaq.
