“Çelsi” klubunun xalları silinə bilər

İngiltərənin “Çelsi” klubunun xalları silinə bilər.

90deqiqe.az “The Times” nəşrinə istinadən xəbər verir ki, "zadəganlar”ın transferləri ilə bağlı araşdırmaya başlanılıb.

London klubunun Roman Abramoviçin dönəmində - 2003-2022-ci illər aralığında reallaşdırdığı bəzi keçidlər şübhə yaranıb. Xüsusən də 2013-cü ildə Samuel Eto'o və Villianın transferi zamanı Premyer Liqa təmsilçisinin Rusiya klubu “Anji” rəsmilərinə qanunsuz ödəniş etdiyi iddia olunur.

İngiltərə klubunun qeyri-qanuni yollara əl atdığı sübuta yetirilsə, xalları silinə və transfer qadağası qoyula bilər.