“Mançester Yunayted”də itki

“Mançester Yunayted”də ciddi itki baş verib. 

90deqiqe.az xəbər verir ki, "qırmızı şeytanlar"ın müdafiəçisi Tirell Malasia bu il ikinci dəfə dizindən əməliyyat olunub. Buna səbəb yayda aparılan əməliyyatdan sonra futbolçunun reabilitasiyası plana uyğun getmədiyi olub. 

Mankunianların rəsmi saytının yaydığı xəbərə görə, bu mövsüm bir dəfə də olsun meydana çıxmayan Malasia indi klubun bazasına qayıdıb və yeni ilin başlanğıcı üçün formaya qayıtmaq üçün çox çalışır.

Qeyd edək ki, niderlandlı oyunçu ötən yay 15 milyon avroya “Feyenoord”dan “Mançester Yunayted”ə keçib. Ümumilikdə 24 yaşlı müdafiəçi “qırmızı şeytanlar”da 39 oyuna çıxıb.