Bunu ancaq Salah bacardı

“Liverpul”un hücumçusu Məhəmməd Salah 2022/2023 mövsümündə 16 məhsuldar ötürmə edib.

90deqiqe.az xəbər verir ki, bu müddət ərzində heç kim 31 yaşlı futbolçudan daha çox komandasına kömək edən olmayıb. İkinci yerdə “Mançester Siti”nin yarımmüdafiəçisi Kevin De Bruyne (14 məhsuldar ötürmə), üçüncü yerdə “Siti”nin hücumçusu Erlinq Haaland (12) qərarlaşıb. İlk beşliyə həmçinin “Arsenal”dan Bukayo Saka və “Aston Villa”dan Olli Uotkins (hər ikisi 11 məhsuldar ötürmə edib) daxil olub.

Məhəmməd Salah 2017-ci ilin yayında “Liverpul”un futbolçusu olub. Bu mövsüm hücumçu İngiltərə Premyer Liqasında 14 oyun keçirib, 10 qol vurub və 6 məhsuldar ötürmə edib.