Hakimlərə dediyinə görə hesabat verdi

"Arsenal”ın baş məşqçisi Mikel Arteta bir gün əvvəl İngiltərə Futbol Assosiasiyasının (FA) nümayəndələri ilə görüşü haqda danışıb.

90deqjqe.az xəbər verir ki, görüşdə ispan məşqçinin hakimliklə bağlı tənqidi fikirləri müzakirə olunub. İspan çalışdırıcı görüşlə bağlı bunları deyib:

“Biz görüşdük, öz tərəfimizdən bəzi sübutlar təqdim etdik, fikirlərimizi və nəticələrimizi bildirdik, həmçinin vəziyyətin tam kontekstini və onu necə gördüyümüzü təqdim etdik. İndi görüşün nəticələrini gözləyirik”

FA Artetanı matç rəsmilərini təhqir etməkdə və oyuna ziyan vurmaqda ittiham edib. 

Qeyd edək ki, “Nyukasl”la oyundan sonra “Arsenal”ın baş məşqçisi bu görüşdəki hakimliyin “biabırçılıq” olduğunu və çempionat səviyyəsinə uyğun olmadığını söyləmişdi.