Premyer Liqa klubları səs verdi: “Çelsi” ilə yanaşı ...

İngiltərə Premyer Liqası komandaları futbolçulara ödənilən transfer haqqının 5 ildən çox müddətə yayılmasının qarşısını alacaq bənd üzrə razılığa gəliblər. Qərarın geriyə tətbiqi üçün verilən təklif qəbul edilməyib.

90deqiqe.az xəbər verir ki, bu barədə jurnalist David Ornshein “X” sosial şəbəkəsindəki səhifəsində məlumat verib.

O, “Çelsi” ilə yanaşı Premyer Liqanın 15 klubu qərarın lehinə səs verdiyini yazıb. İki klub dəyişikliyin əleyhinə səs verib, daha üç komanda isə bitərəf qalıb.

Qeyd edilir ki, müqavilələr hələ də istənilən müddətə bağalna bilər, lakin UEFA qaydalarına uyğun olaraq, futbolçunun transfer dəyərinin klub hesablarında bölüşdürülməsi müddəti maksimum beş illə məhdudlaşdırılır.