“Arsenal”ın baş məşqçisi cəzalandırılmayacaq

90deqiqe.az xəbər verir ki, “Arsenal”ın baş məşqçisi Mikel Arteta İngiltərənin 11-ci turunda qeydə alınan "Nyukasl"la oyundan sonra hakimlər briqadasının ünvanına tənqidi açıqlamalarına görə cəzalandırılmayacaq. Bu barədə “Arsenal”ın rəsmi saytı İngiltərə Futbol Assosiasiyasının qərarına istinadən məlumat yayıb.

Müstəqil tənzimləyici komissiyanın Mikel Artetaya qarşı irəli sürülən qayda pozuntusunda ittihamı sübuta yetirilmədiyi bildirilir. Xatırladaq ki, dekabrın əvvəlində Artetanın İngiltərə Futbol Assosiasiyasının nümayəndələri ilə görüşərək "Nyukasl"la oyunu idarə edən hakimlərə dediyi sözləri barədə müzakirə etdiyi bildirilirdi.