Qvardiola Haaland üçün narahatdır

"Mançester Siti"nin baş məşqçisi Pep Qvardiola komandanın hücumçusu Erlinq Haalandın durumu ilə bağlı açıqlama verib. 

90deqiqe.az xəbər verir ki, ispan çalışdırıcı onu sürpriz gözlədiyini bildirib:

“Bu gün həkimlər Erlinqin özünü necə hiss etdiyini görəcəklər. Ümid edirəm ki, Premyer Liqada "Kristal Pelas" ilə oyundan sonra Səudiyyə Ərəbistanına gedə bilər. Düşünürəm ki, o bizimlə olacaq. Görək, o, bizim açılış matçımızda, yoxsa ikinci matçda və ya İngiltərəyə qayıdanda iştirak edə biləcəkmi. Ola bilsin ki, məni sürpriz gözləyir və onlar mənə yeni nəsə deyəcəklər, amma mən belə düşünmürəm. Məncə oynaya bilməyəcək". 

Qeyd edək ki, Səudiyyə Ərəbistanında Klublararası Dünya Çempionatı keçirilir. Turnirin yarımfinalında “Mançester Siti” Meksika “Leon”la Yaponiya “Urava”nının qalibi ilə qarşılaşacaq.