“Mançester Yunayted” digər matçlardan fərqlidir

“Liverpul”un müdafiəçisi Trent Alexander-Arnold “Mançester Yunayted”lə oyunöncəsi fikirlərini bölüşüb.

90deqiqe.az xəbər verir ki, 25 yaşlı futbolçu bu barədə yerli mətbuata açıqlama verib:

“Bu, yəqin ki, evdə və ya səfərdə mövsümün ən vacib oyunudur. “Mançester Yunayted” digər matçlardan fərqlidir. Əlbəttə, bizim potensial olaraq fərqli ambisiyalarımız və fərqli yaxın rəqiblərimiz var, lakin komandaların liqada harada olmasından asılı olmayaraq, mövsümün hansı vaxtında olmasından asılı olmayaraq, azarkeşlər arasındakı bu rəqabət həmişə qalacaq.. Bu, xüsusi bir matç olacaq".