Qvardioladan rekord

"Mançester Siti"nin baş məşqçisi Pep Qvardiola Klublararası Dünya Çempionatında rekorda imza atıb.

90deqiqe.az xəbər verir ki, ispaniyalı mütəxəssis dördüncü dəfə qitələrarası turnirdə komandasına qələbə qazandırıb.

53 yaşlı mütəxəssis, əvvəllər bunu "Barselona" (2009 və 2011) və "Bavariya" (2013) ilə əldə edib. Bu günə qədər Qvardiola Klublararası Dünya Çempionatının ən çox qazanan məşqçisi adını 2007, 2014 və 2022-ci illərdə kuboku qazanan Karlo Ançelotti ilə bölüşürdü. Üçüncü yer isə Zinəddin Zidanda qalır - iki qələbə (2016 və 2017). Başa çatan klublararası dünya çempionatının finalında Pep Qvardiolanın rəhbərlik etdiyi “Mançester Siti” Braziliyanın “Fluminense” klubunu darmadağın edib – 4:0.