Salahdan unikal göstərici

İngiltərə Premyer Liqasının XVIII turunda “Arsenal”la keçirilən ev oyunu “Liverpul”un hücumçusu Məhəmməd Salah üçün əlamətdar olub.

90deqiqe.az xəbər verir ki, 31 yaşlı forvard 1:1 hesabı ilə başa çatan görüşdə fərqlənməklə “topçular”ın qapısına vurduğu qolların sayını 10-a çatdırıb. O, Premyer Liqada “Mançester Siti" (11), “Mançester Yunayted” (12) və “Arsenal”la görüşlərdə 10 və daha çox qol vuran yeganə oyunçudu.

Salah eyni zamanda 150 qolla Premyer Liqa tarixinin ən məhsuldar 10-cu futbolçusu olan Maykl Oueni geridə qoyub. Misirli oyunçunun aktivində 151 top var.

Qeyd edək ki, hazırda “Arsenal” 40 xalla birinci, “Liverpul” isə 39 xalla ikinci pillədə qərarlaşıb.