"Bornmut"dan uğurlu seriya

"Bornmut" klubu Premyer Liqanın 19-cu turunda evdə "Fulhem"i 3:0 hesabı ilə məğlub edib.

90deqiqe.az xəbər verir ki, bu Andoni İraolanın rəhbərlik etdiyi komandanın Premyer Liqada son 7 görüşdə artıq 6-cı qələbəsidir. "Mançester Siti”yə ağır məğlubiyyətdən (1:6) sonra “Bornmut” "Nyukasl" (2:0), "Şeffild" (3:1), "Kristal Pelas" (2:0), “Mançester Yunayted” (3:0) və “Nottingem Forest”ə (3:2) qalib gəlib. "Aston Villa" ilə heç-heçə edib (2:2).

Hazırda "Bornmut" 25 xalla turnir cədvəlində 10-cu yerdədir.

Maraqlıdır ki, "Bornmut" ilk doqquz matçdan cəmi üç xal (3 heç-heçə və 6 məğlubiyyət), lakin sonrakı doqquz oyunundan 22 xal toplayıb (7 qələbə, heç-heçə və məğlubiyyət).