İngiltərə polisi futbolçuya qarşı irqçiliyə görə araşdırmalara başladı

 İngiltərə Premyer Liqası 17-ci tur çərçivəsində “Şeffild Yunayted”lə səfərdə baş tutan matçda “Luton Taun” futbolçusu Karlton Morris xoşagəlməz hadisəylə üzləşib.

90deqiqe.az xəbər verir ki, ingilis hücumçu yerli azarkeşlər tərəfindən irqçi təhqirlərə məruz qalıb. Hakim Sem Ellison hər iki məşqçi ilə insidentlə bağlı danışarkən matç qısa müddətə dayandırılıb. Britaniya polisi bununla bağlı araşdırmaya başlayıb.  “

Luton Taun”da bununla bağlı bəyanat yayıb.

“Karlton Morris"ə “Breymill Leyn”də Premyer Liqa matçı zamanı tribunadan irqçi sözlər ünvanlandı. Karlton protokollara uyğun olaraq matç rəsmilərini hadisəylə bağlı xəbərdar etdi. Məsələ həm “Şeffild Yunayted”, həm də Cənubi Yorkşir polisi tərəfindən dərhal nəzarətə götürüldü. Hazırda araşdırma aparılır” – deyə, bəyanatda qeyd olunub.

Qeyd edək ki, “Şeffild Yunayted” – “Luton Taun” matçında qonaqlar 3:2 hesabı ilə qalib gəlib.