"Aston Villa"nın yeni hədəflərini açıqladı

"Aston Villa"nın baş məşqçisi Unai Emeri klubun qış üçün transfer planlarından danışıb.

90deqiqe.az xəbər verir ki,  52 yaşlı çalışdırıcı yerli mətbuata açıqlamasında komandada çox dəyişiklik edilməyəciyini bildirib.

“Biz təhlil edirik. İdman direktoru klub rəhbərliyi ilə görüşür. Tərkibdə nəyisə necə təkmilləşdirə və dəyişdirə biləcəyimizi müzakirə edirik. Bəlkə nəyisə dəyişəcəyik, amma 100 faiz yox. Futbolçulardan hər hansı birinin komandamıza qoşulmaq imkanı olarsa, xəbərdar olacağıq. Amma biz artıq yaxşı nəticələr, yaxşı öhdəlik və rəqabətli strukturlar əldə edirik. Hər hansı bir transfer etmək üçün bunu edə biləcəyimizi bilmirəm”.

Qeyd edək ki, "Aston Villa" 19 turdan sonra turnir cədvəlində 39 xalla 3-cü pillədə qərarlaşıb.