Palmeri görün hansı futbolçuya bənzədir

“Çelsi”nin baş məşqçisi Maurisio Poçettino yarımmüdafiəçisi Koul Palmer barədə maraqlı açıqlama verib.

90deqiqe.az-ın məlumatına görə, 51 yaşlı mütəxəssis ingilis oyunçunu hazırda "Benfika"da çıxış edən həmyerlisi Di Mariyaya bənzətdiyini söyləyib:

“Oynadığı mövqedə və sol ayaq oyunçusu olduğu üçün və bəzi oxşarlıqları və keyfiyyəti olduğu üçün o, potensial Anxel Di Mariyadır. Anxel dünya çempionudur, o, bizimlə PSJ-də idi və heyrətamiz oyunçudur. Palmer, zamanla ona yaxınlaşmaq qabiliyyətinə və potensialına malikdir. O, hələ də uzaqdadır, lakin bu tip oyunçu əlaqə qura bilən, pleymeyker ola bilər, qol vurmaq, ötürmə etmək qabiliyyətinə malik ola bilən futbolçudur”.

21 yaşlı yay transfer pəncərəsində “Mançester Siti”dən “Çelsi”yə keçib. O, londonluların heyətində bütün yarışlarda 21 oyuna çıxıb, 8 qol vurub və 5 məhsuldar ötürmə edib.