Arteta məğlubiyyəti şərh etdi

"Arsenal"ın baş məşqçisi Mikel Arteta Premyer Liqanın 20-ci turunda səfərdə "Fulhem"ə məğlubiyyət (2:1) haqda fikirlərini bölüşüb.

90deqiqe.az xəbər verir ki, ispan çalışdırıcı bu görüşün mövsümün ən pis oyunu olduğunu bildirib.

"Çox çətin gündür. Kədərli gün. Üç gün əvvəl qalib gəlməli olduğumuz bir matçı (Vest Hemə qarşı) uduzduq və bu gün mövsümün ən pis oyunumuz oldu. Hücumlarımızın tempi, intellekti, müdafiədə ən yaxşı deyildik. Üstünlüyü ələ ala bilmədik və buna görə də problemlər yaşadıq. Biz topa sahib olmaqdan kifayət qədər istifadə etmədik. Qərar qəbul etməkdə sürətimiz yox idi və təhlükə yox idi. Topla ehtiyatsız davrandıq. Qələbəyə layiq deyildik. Dekabrın 31-də cədvələ başçılıq etmək imkanınız olduqda və sonda hər şey o qədər pis başa çatırsa, bu, futboldur. Xətt çox incədir. Qalan 19 oyundakı kimi oynasaq, mövsümün sonunda lider olacağıq. Bugünkü kimi oynasaq, bundan çox uzağıq. Bu gün baş verənləri qəbul etmək çətindir”.