Salah bunu bacaran yeganə futbolçudur ki ...

“Liverpul”un hücumçusu Məhəmməd Salah Premyer Liqada təqvim ilini 24 qol və 15 məhsuldar ötürmə ilə başa vurub.

90deqiqe.az “Opta”ya istinadən xəbər verir ki, misirli forvard 2023-cü ildə 15+15 xal qazanmağı bacaran Avropanın ən yaxşı 5 liqasının yeganə təmsilçisi ünvanına sahib olub.

31 yaşlı futbolçu 20 ildə bu uğura imza atan ilk Premyer Liqa oyunçusu olub. Sonuncu dəfə 2003-cü ildə 25 qol vuran və 19 məhsuldar ötürmə verən Tyerri Anri belə statistika ilə öyünüb.

Salah bu mövsüm Premyer Liqada 16 matçda 11 qol vurub və 7 məhsuldar ötürmə ilə yadda qalıb.