Bruno Fernandes lider oldu

“Mançester Yunayted”in portuqaliyalı yarımmüdafiəçisi Bruno Fernandes 2023-cü ildə Avropanın ən yaxşı 5 liqasında yaradılan qol şanslarının sayına görə lider olub.

90deqiqe.az xəbər verir ki, 29 yaşlı futbolçu komanda yoldaşları üçün 31 qol şansı yaradaraq 2023-cü ili başa vurub.

İlk 4-lükdə yalnız Premyer Liqa klublarının oyunçuları yer alıb . İkinci yerdə “Liverpul”un müdafiəçisi Trent Alexander-Arnold (29), üçüncü yerdə “Liverpul”un hücumçusu Məhəmməd Salah (24), dördüncü yerdə isə “Nyukasl”ın müdafiəçisi Kieran Trippyer (22) qərarlaşıb. Beşinci yeri 2023-cü ildə hər biri 21 qol şansı yaradan "Borussiya Dortmund"un yarımmüdafiəçisi Julian Brandt və "Atletiko"nun hücumçusu Antuan Qrizmann bölüşdürüb.