İnsan alverində ittiham edilən tanınmış futbolçudan açıqlama

“Çelsi”nin sabiq futbolçusu hazırda “Nottingem Forest”də çıxış edən Kallum Hadson-Odoy adının milyarder Ceffri Epşteynin insan alveri işində hallanmasına münasibət bildirib. 

90deqiqe.az xəbər verir ki,  23 yaşlı ingiltərəli futbolçu bunları deyib:

“Mən bir müddətdir ki, bunun sosial mediada dolaşdığını görürəm və absurd olduğu üçün bu barədə şərh vermək fikrində deyiləm. Mən hadisələr baş verən vaxt uşaq olardım. Bununla belə, bir rol modeli kimi mövqeyimi başa düşərək, tamamilə aydınlaşdırmaq istərdim ki, mən heç vaxt Epstein qalmaqalının bir hissəsi olmamışam və Epstein adasında heç vaxt olmamışam; ona görə də lütfən bu postlarda mənim adımı çəkməyi dayandırın.Təşəkkürlər."

Qeyd edək ki, Hadson-Odoy bu mövsüm bütün yarışlarda “Nottingem” formasıyla 12 matça çıxıb, 1 qol vurub və 1 məhsuldar ötürmə edib.