VAR-dan imtina etdilər

İngiltərə Liqa Kubokunun dörd yarımfinal matçında videotəkrardan (VAR) istifadə edilməyəcək.

90deqiqe.az xəbər verir ki, bu barədə “The Telegraph” məlumat yayıb.

Məlumatda, yarımfinalçılardan biri olan “Midlsbro”nun stadionunda VAR sistemi yoxdur. Buna görə də, Liqa Kubokunun reqlamentinə uyğun olaraq, bu il bütün yarımfinal oyunlarında videotəkrar sistemindən istifadə olunmayacaq.

Yarımfinal mərhələsində “Çelsi” “Midlsbro” ilə, “Liverpul” isə “Fulhem”lə turnirin həlledici oyununa vəsiqə uğrunda mübarizə aparacaq.

İlk yarımfinal oyunları 9 və 10 yanvarda, cavab görüşləri isə 23 və 24 yanvarda keçiriləcək.