“Liverpul”da ciddi itki

“Liverpul” müdafiəçisi Trent Aleksander-Arnold sıradan çıxıb.

90deqiqe.az xəbər verir ki, Mersisayd təmsilçisinin baş məşqçisinin köməkçisi Pepijn Lijnders 25 yaşlı futbolçunun bazar günü “Arsenal”la İngiltərə kuboku matçı zamanı dizindən zədələndiyini bildirib.

"O, müayinə edilib və bir neçə həftə yaşıl meydanlardan kənarda qalacaq. Daha sonra yenidən qiymətləndirəcəyik. Bu, bizim üçün böyük problemdir, çünki o, bizim ən vacib oyunçularımızdan biridir. Bir az dincələcək və köhnə vəziyyətinə qayıdacağına inanırıq."

Bu mövsüm "Liverpul"un heyətində 25 matça çıxan ingilis futbolçu 2 qol vurub, 9 məhsuldar ötürmə edib.