Mikel Artetadan futbolçularına maraqlı jest

“Arsenal”ın baş məşqçisi Mikel Arteta komandanın futbolçularına maraqlı jest edib.

90deqiqe.az  “Daily Mail”ə istinadən xəbər verir ki, ispan çalışdırıcı onlara ailələrini Dubaydakı təlim-məşq toplanışına aparmağa icazə verib. 

Mənbənin sözlərinə görə, Arteta ümid edir ki, bu qərar klubdakı ab-havanı daha da müsbətləşdirəcəyinə, həm də komandanın böhrandan çıxış yolu tapmasına kömək edəcək.

“Arsenal” yanvarın 7-də İngiltərə kubokunda “Liverpul”a 0:2 hesabı ilə uduzaraq turnirdən kənarda qalıb. Eyni zamanda London klubu “Vest Hem”ə məğlib olmaqla (1:3) Liqa Kubokundakı mübarizəsini dayandırıb.

Premyer Liqada isə “Arsenal” 40 xalla 4-cü yerdədir.