"Çelsi" hücumçunu geri qaytardı

"Çelsi" "Union Berlin"ə icarəyə verdiyi hücumçu David Fofananı geri qaytarıb.

90deqiqe.az xəbər verir ki, bu barədə London klubunun mətbuat xidməti məlumat yayıb.

Hazırda Fofananın mövsümün sonuna qədər "Çelsi"də qalacağı, yoxsa başqa icarəyə göndəriləcəyi məlum deyil. Daha əvvəl londonluların rəhbərliyi Union-un 21 yaşlı futbolçuya ayırdığı oyun vaxtından narazı olduqlarını bildirmişdi

Qeyd edək ki, Fofana ötən ilin yanvarında "Molde"dən 12 milyon avroya "Çelsi"yə keçib. Forvard Bundesliqa komandasının heyətində bütün turnirlərdə 17 oyun keçirib.Transfermarkt internet portalına görə futbolçunun təxmini dəyəri 8 milyon avrodur.