Arvadı məşhur ulduz futbolçunu evdən qovdu

“Mançester Siti”nin müdafiəçisi Kayl Uoker həyat yoldaşından ayrılıb.

90deqiqe.az “Daily Mail”ə istinadən bildirir ki, buna səbəb ingilis futbolçunun keçmiş sevgilisi Laurin Qudmanın 5 aylıq qız övladının atası olduğunu ortaya çıxması olub. Futbolçunun qısqanc həyat yoldaşı Enni Kilner bunu bildikdən sonra onu 2,4 milyon funt-sterlinq dəyərindəki evindən qovub.

Ancaq şayiələrə görə, Enni bir müddətdir ki, körpənin Kayla aid olduğunu bilirdi və bu, onun evliliyə ara vermək qərarına səbəb olmayıb. 

Qeyd edək ki, 32 yaşlı Qudmanla münasibətə görə Kayl, 2019-cu ildə Ennidən müvəqqəti olaraq ayrılmışdı.