“Mən De Bruyneyə çox qəzəbləndim və məyus oldum"

"Mançester Siti"nin baş məşqçisi Pep Qvardiola İngiltərə Premyer Liqasının 21-ci turunun "Nyukasl"la oyununda (3:2) komandanın yarımmüdafiəçisi Kevin De Bruynenin çıxışı ilə bağlı zarafat edib.

90deqiqe.az xəbər verir ki, ispan çalışdırıcı belçikalı futbolçuya qəzəbləndiyini bildirib.

“Mən Kevinə çox qəzəbləndim və məyus oldum,çünki onun topa ilk toxunuşu cərimə zərbəsi idi və o, qol vura bilmədi. (gülür) Fil Foden əla oyun göstərdi. Hamı çox yaxşı idi”.

Qeyd edək ki, De Bruyne 69-cu dəqiqədə əvəzedici heyətlə meydana çıxıb və matçın gedişatını dəyişərək, qol vurub və məhsuldar ötürmə edib. "Mançester Siti" 3:2 hesablı qələbə qazanıb.