"Onların vaxta ehtiyacı var"

"Mançester Yunayted"in baş məşqçisi Erik ten Haq komandanın gənc futbolçularının çıxışından danışıb.

90deqiqe.az "BBC"yə istinadən xəbər verir ki, niderlandlı çalışdırıcı gənc oyunçuların yaşadığı uğursuzluqlara baxmayaraq onlara inandığını bildirib.

“Biz istedadlı oyunçularla müqavilə bağlamışıq və istedadın vaxta ehtiyacı var. Alejandro Qarnaço, Kobbi Maina, eləcə də Rasmus Hoylundun vaxta ehtiyacı var. Bəzi uğursuzluqlarla qarşılaşmalısan, amma bu, prosesin bir hissəsidir.Mənim üçün çətindir? Xeyr, çətin deyil, çünki mən mövsümün əvvəlindən prosesin mənfi istiqamətdə gedə biləcəyini gözləyirdim, halbuki menecer kimi pozitiv qalmalı və prosesi düzgün istiqamətə yönəltməlisən”

“Mançester Yunayted”  20 oyundan sonra 31 xalla Premyer Liqada 9-cu pillədə qərarlaşıb. Çempionata “Liverpul” başçılıq edir (45 xal).