Mərc oyuna görə cəzalandırlan futbolçunun qalmasını istəyir

"Brentford"un baş məşqçisi Tomas Frank ingilis hücumçu İvan Toninin komandanı tərk edə biləcəyi ilə bağlı danışıb.

90deqiqe.az xəbər verir ki, danimarkalı çalışdırıcı 27 yaşlı forvardı buraxmaq istədiyini bildirib.

“Aydındır ki, mən İvanı buraxmaq istəmirəm. Onu mümkün qədər uzun müddət komandada saxlamaq niyyətindəyəm. Amma hazırda diqqətimizi onun "Nottingem Forest" ilə oyuna hazırlığına yönəltmişik”.

Xatırladaq ki, ötən ilin mayında Toni mərc oyun qaydalarını pozduğuna görə 8 ay müddətinə futboldan uzaqlaşdırılmışdı. Futbolçunun cəza müddəti çərşənbə axşamı, yanvarın 16-da başa çatır.

Keçən mövsüm Toni bütün turnirlərdə Brentford üçün 35 oyuna çıxıb, 21 qol vurub və 5 məhsuldar ötürmə edib. Futbolçunun hazırkı klubu ilə müqaviləsi 2025-ci ilin iyunun sonuna kimi qüvvədədir. Transfermarkt internet portalına görə futbolçunun təxmini dəyəri 35 milyon avrodur.