Marsial “Mançester Yunayted”dən ayrılacaq? - agenti açıqladı

“Mançester Yunayted”in hücumçusu Antoni Marsialın agenti Filip Lamboli müştərisinin “qırmızı şeytanlar”ın baş məşqçisi Erik ten Haqla münasibəti barədə danışıb.

90deqiqe.az xəbər verir ki, o, ingilis futbolçunun bu qış komandanı tərk etməyəcəyini bildiirb.

“Antoni yanvarda klubu tərk etməyəcək. O, iyunda müqaviləsi başa çatana qədər burada qalacaq. Entoni haqqında yayılan iddialar doğru deyil. O, komandadan kənarda qalmayıb, məşqçi ilə də problemi yoxdur. O, sadəcə bir müddət əvvəl olması lazım olan kiçik əməliyyat keçirəcək”

Xatırladaq ki, fransalı futbolçu ötən ilin dekabrından meydançaya çıxmayıb. Əvvəlcə məlumat yayıldı ki, Marsial xəstəlik səbəbindən oyunlarda iştirak etmir. Ancaq sonra mediada hücumçunun on Hag ilə münaqişə səbəbindən fərdi proqrama uyğun məşq etdiyi barədə məlumatlar ortaya çıxdı.