Klopp Salahın zədəsindən danışdı

"Liverpul"un baş məşqçisi Yurgen Klopp hücumçu Məhəmməd Salahın Afrika Millətlər Kubokunun qrup mərhələsinin 2-ci turunun Qana yığması ilə oyunda (2:2) sıradan çıxması ilə bağlı açıqlama verib.

90deqiqe.az xəbər verir ki, alman çalışdırıcı forvardın zədəsinin hansı dərəcədə olması ilə bağlı məlumatlarının olmadığını bildirib.

“Biz heç nə bilmirik. Dünən axşam onunla danışdım və o, əlavə tibbi müayinədən keçməlidir. İndi etdikləri budur. Lakin hazırda bu barədə heç bir məlumatımız yoxdur”

Xatırladaq ki, Misir millisinin və İngiltərənin “Liverpul” klubunun hücumçusu Məhəmməd Salah Afrika Millətlər Kubokunun qrup mərhələsinin 2-ci turunun Qana ilə oyunun ilk hissəsinin sonunda əvəzlənib. Turnirdə ilk oyununda Misir yığması Mozambiklə 2:2 hesabı ilə heç-heçə edib.