Poçettinoya vaxt vermək lazımdır - Terri

"Çelsi"nin sabiq müdafiəçisi Con Terri London klubunun hazırkı durumu haqda danışıb.

90deqiqe.az-ın məlumatına görə, 43 yaşlı veteran futbolçu komandanın baş məşqçisi  Poçettinoya vaxt vermək lazım olduğunu bildirib.

“Təəssüf ki, “Çelsi” hazırda bir az sıradan çıxıb. Amma komandanın baş məşqçisinə vaxt lazımdır. Poçettino əla mütəxəssisdir. Hər gün işlədiyini görmüşəm. Hazırkı komanda gənc oyunçulardan ibarətdir, lakin biz hələlik “Mançester Siti” və “Liverpul” kimi klublardan uzağıq”, – deyə Terri “Daily Mail”dən sitat gətirir.

Xatırladaq ki, İngiltərə Premyer Liqasının 21-ci turundan sonra "Çelsi" 31 xalla 9-cu pillədə qərarlaşıb və hazırda lider "Liverpul"dan 14 xal geri qalır.

London klubu sonuncu dəfə 2016/2017 mövsümünün sonunda İngiltərə çempionu olub. Terri həmin mövsüm hələ də "zadəganlar"da oynayıb.