Mən dahi deyiləm, amma ... - Klopp

"Liverpul"un baş məşqçisi Yurgen Klopp Premyer Liqada çempionluq yarışından danışıb.

90deqiqe.az xəbər verir ki, alman çalışdırıcı dahi olmadığını, dörd aydan sonra nə olacağını deyə bilmədiyini bildirib.

“Mən dahi deyiləm. Dörd aydan sonra nə olacağını deyə bilmərəm. Mən yalnız ən yaxşı həllər və ideyaları tapmağa çalışıram. Bəzən işləyir, bəzən hər şey dəyişir. Amma indiki komanda haqqında tez bir zamanda yaxşı hiss etdim. Bütün bunların işlədiyini görək. Biz düzgün istiqamətdə hərəkət etməliyik.İnsanlar bunun çempion ola biləcəyimiz anlamına gəldiyini düşünür. Hələ ki, belə deyil, amma heç kimin ona qarşı oynamaq istəmədiyi komandamız var. Hələ atmalı olduğumuz böyük addımlarımız var, lakin hər şey düzgün istiqamətdə gedir”, - deyə Klopp Sky Sports-dan sitat gətirib.

21 turdan sonra çempionata 48 xalla "Liverpul" başçılıq edir. İkinci yerdə “Mançester Siti” (43 xal), “Arsenal” (43 xal) ilk üçlüyü qapayır.