"Liverpul" Salahı bir aylıq itirdi

İngiltərənin "Liverpul" klubu hücumçusu Məhəmməd Salahı itirib.

90deqiqe.az xəbər verir ki, misirli futbolçu belindəki zədə səbəbindən üç-dörd həftə yaşıl meydanlardan uzaq qalacaq.

Xatırladaq ki, Salah Afrika Millətlər Kubokunun qrup mərhələsinin 2-ci turunun Qana ilə oyununda (2:2) zədələnərək birinci hissənin sonunda məcburi əvəzlənib. Salah zədəsini sağaltmaq üçün Liverpula qayıdıb. Eyni zamanda, 31 yaşlı futbolçunun zədəsini sağaltdıqdan sonra Misir yığmasına qayıda biləcəyi vurğulanıb.

Bu mövsüm Məhəmməd Salah klub və milli komandanın heyətində bütün turnirlərdə 35 oyunda iştirak edib, 23 qol vurub və 12 məhsuldar ötürmə verib. Transfermarkt internet portalının məlumatına görə, Salahın bazar dəyəri 65 milyon avrodur.