Erlinq Haaland geri qayıtdı

"Mançester Siti"nin hücumçusu Erlinq Haaland zədəsini sağaldaraq komanda ilə məşqlərə başlayıb.

90deqiqe.az xəbər verir ki, bu barədə jurnalist Fabrizio Romano "X" sosial şəbəkəsində (keçmiş Twitter) yazıb.

Norveçli futbolçu "şəhərlilər"in məşqçilər korpusu tərəfindən icazə veriləcəyi təqdirdə yanvarın 27-də səfərdə "Tottenhem"lə matçda meydanda ola bilər.

Xatırladaq ki,23 yaşlı forvard ayağından zədələndiyi üçün dekabrın 9-dan bəri yaşıl meydanlardan uzaq qalıb.

Bu mövsüm Haaland "Mançester Siti"nin heyətində bütün turnirlərdə 22 oyunda iştirak edib, 19 qol vurub və 5 məhsuldar ötürmə edib. Futbolçunun hazırkı klubu ilə müqaviləsi 2027-ci ilin iyun ayının sonuna qədər qüvvədədir. Transfermarkt internet portalına görə futbolçunun təxmini dəyəri 180 milyon avrodur.