"Tottenhem"in zədəlisi sıraya döndü

"Tottenhem"in yarımmüdafiəçisi Ceyms Maddison zədəsini sağaldaraq sıraya dönüb.

90deqiqe.az xəbər verir ki, ingilis futbolçu komandanın bu günkü ümumi qrupla məşqində iştirak edib. Bu barədə London klubunun mətbuat xidməti məlumat yayıb.

27 yaşlı futbolçu londonluların məşqçilər korpusu tərəfindən razılıq veriləcəyi təqdirdə yanvarın sonundakı matçlarda iştirak edə bilər.

Xatırladaq ki, yarımmüdafiəçi topuğundakı zədə səbəbindən noyabrın ortalarından bəri meydana çıxmayıb.

Maddison keçən yay 46,3 milyon avroya "Lester"dən "Tottenhem"ə keçib.Bu mövsüm yarımmüdafiəçi London komandasının heyətində bütün yarışlarda 12 oyun keçirib və 3 qol vurub və 5 məhsuldar ötürmə edib. Futbolçunun hazırkı klubu ilə müqaviləsi 2028-ci ilin iyunun sonuna qədər qüvvədədir. Transfermarkt internet portalına görə futbolçunun təxmini dəyəri 70 milyon avrodur.