Qvardiolaya əvəzləyici tapıldı

“Tottenhem”in baş məşqçisi Ancelos Postekoğlu “Mançester Siti”ni çalışdıra bilər.

90deqiqe.az “The Telegraph”a istinadən xəbər verir ki, "şəhərlilər"in rəhbərliyi avstraliyalı mütəxəssisi Pep Qvardiolanın potensial əvəzləyicisi kimi görür.

Klub 58 yaşlı çalışdırıcının Qvardiola ilə fəlsəfəsinin və üslubunun oxşarlığını düşünür. Əgər ispan çalışdırıcı 2025-ci ildə müqaviləsi başa çatdıqdan sonra Mançester təmsilçisindən ayrılmaq qərarına gəlsə, o zaman Postekoğlu namizədlər siyahısında ilk başda yer alacaq.

Təcrübəli çalışdırıcı 2023-cü ilin iyulunda "Tottenhem"ə rəhbərlik edib. Bu mövsüm onun rəhbərliyi altında London klubu 21 turdan sonra 40 xalla 5-ci yerdə qərarlaşıb. Məşqçinin klubla müqaviləsi 2027-ci ilin yayına kimi nəzərdə tutulub.

Postekoğlu karyerası ərzində Melburn, Seltik və Avstraliya milli komandasında da çalışıb.