Kloppun yerinə daha bir sürpriz namizəd

"Bayer Leverkuzen"in baş məşqçisi Xabi Alonso və "Brayton"un çalışdırıcısı Roberto De Zerbi "Liverpul"da Yurgen Kloppun yerinə əsas namizədlərdir.

90deqiqe.az "Sky Sports Italia"ya istinadən xəbər verir ki, Mersisayd təmsilçisinin rəhbərləri alman çalışdırıcıya əvəzedici olaraq adıçəkilən mütəxəssisləri görür.

 Alonso 2004-09-cu illərdə “Liverpul”da forma geyinib.42 yaşlı çalışdırıcının Leverkuzen təmsilçisi ilə müqaviləsi 2026-cı ilin yayına qədər nəzərdə tutulub.

Qeyd edək ki, hazırda bütün tunirlər daxil olmaqla məğlubiyyət üzü görməyən Xabinin komandası Bundesliqada 48 xalla turnir cədvəlinə başçılıq edir. 

De Zerbi 2022-ci ilin sentyabrında ""qağayılar""ın "sükanı arxasına" keçib və cari mövsümdə komanda 32 xalla Premyer Liqada yeddinci yerdədir.

Xatırladaq ki, Klopp mövsümün sonunda "Liverpul"u tərk etmək qərarını açıqlamışdı. Alman mütəxəssis bunu işini görmək üçün enerjisinin tükənməsi ilə izah edib.