Benites Kloppun ayrılmasını belə şərh etdi

İspaniyanın "Selta Viqo" klubunun baş məşqçisi Rafael Benites Yurgen Kloppun mövsümün sonunda İngiltərə "Liverpul"unu tərk etməsinə münasibət bildirib.

90deqiqe.az xəbər verir ki, 63 yaşlı mütəxəssis alman çalışdırıcının əla işlər gördüyünü söyləyib.

“Liverpul"da mənim adamlarım var, mən bunun necə baş verdiyini az-çox bilirəm. Ona müsbət sözlərim var, dostumdur. O, əla iş görüb və davam edir”

Xatırladaq ki, yanvarın 26-da Yurgen Klopp bu mövsümün sonunda "Liverpul"u tərk edəcəyini açıqlamışdı. Alman mütəxəssis açıqlamasında artıq komandanı çalışdırmağa enerjisinin olmadığını açıqlayıb. Klopp 2015-ci ildən "Liverpul" klubunu çalışdırır. Alman mütəxəssisin rəhbərliyi altında mersisaydlılar 7 kubok qazanıblar.