Kloppdan sonra onlarda "Liverpul"u tərk edir?

Mövsümün sonunda baş məşqçi Yurgen Kloppun gedişindən sonra üç oyunçu "Liverpul"u tərk edə bilər.

90deqiqe.az xəbər verir ki, gələn il Mersisayd təmsilçisinin üç əsas oyunçuları - Vircil van Deyk, Məhəmməd Salah və Trent Alexander-Arnoldun müqavilələri başa çatır.

Misirli hücumçu ilə Səudiyyə Ərəbistanı Premyer Liqasının klublarından dəfələrlə maraqlandığı barədə xəbərlər yayılıb.

Niderlandlı van Deyk 2017-ci ildə "Sauthempton"dan "Liverpul"a keçib.Onun komanda ilə hazırkı müqavilə 2025-ci ilin yayına qədər nəzərdə tutulub.O, bu mövsüm Mersisayd klubunun heyətində 23 matçda iştirak edib,1 qol vurub və 2 məhsuldar ötürmə edib.

İngilis Alexander-Arnold isə "Liverpul"un öz yetirməsidir.25 yaşlı oyunçunun komanda ilə hazırkı müqavilə 2025-ci ilin yayına qədər nəzərdə tutulub.Arnold bu mövsüm komandanın heyətində 25 matçda iştirak edib, 2 qol vurub və 9 məhsuldar ötürmə edib.

Misirli Məhəmməd Salah isə 2017-ci ildə "Roma"dan "Liverpul"a keçib.31 yaşlı forvardın komanda ilə hazırkı müqavilə 2025-ci ilin yayına qədər nəzərdə tutulub Salah, bu mövsüm komandanın heyətində 27 matçda iştirak edib, 18 qol vurub və 9 məhsuldar ötürmə edib.