"Liverpul" azarkeşləri Kloppa belə təşəkkür etdi - FOTO

Xəbər verdiyimiz kimi Yurgen Klopp mövsümün sonunda "Liverpul"dan ayrılacağını açıqlamışdı.

90deqiqe.az xəbər verir ki,  bu xəbərdən sonra "Liverpul" azarkeşləri İngiltərə Kubokunun 1/16 finalında "Norviç Siti" ilə hazırda baş tutan matçda (3:1) komandanın baş məşqçisi Yurgen Kloppa təşəkkür ediblər.

Xatırladaq ki, yanvarın 26-da Yurgen Klopp bu mövsümün sonunda "Liverpul"u tərk edəcəyini açıqlamışdı. Alman mütəxəssis açıqlamasında artıq komandanı çalışdırmağa enerjisinin olmadığını bildirmişdi.

56 yaşlı alman mütəxəssis 2015-ci il oktyabrın 8-də İngiltərənin "Liverpul" klubunu çalışdırıb. Bu müddət ərzində Yurgen Klopp "qırmızılar"la 7 kubok qazanıb. Kloppun rəhbərliyi altında "Liverpul" Çempionlar Liqası, Premyer Liqa, Liqa Kuboku, İngiltərə Kuboku, UEFA Super Kuboku və Klublararası Dünya Çempionatının qalibi olub.