Arteta da "Arsenal"dan ayrılır?

Mikel Arteta mövsümün sonunda "Arsenal"ın baş məşqçi postundan ayrılması ilə bağlı açıqlama verib.

90deqiqe.az xəbər verir ki, 41 yaşlı çalışdırıcı vəzifəsindən tərk etmək fikrində olmadığını bildirib.

Daha əvvəl İspaniyanın "Diario AS" nəşri ispan mütəxəssisin ətrafına klubdan getmək fikrində olduğunu bildirdiyini yazmışdı.

Artetanın adı mətbuatda tez-tez Xavinin yayda ayrılacağı "Barselona"nın baş məşqçisi postuna potensial namizəd kimi hallanır.

Artetanın londonlularla müqaviləsi 2025-ci ilin yayına qədər nəzərdə tutulub.Təcrübəli mütəxəssisin rəhbərliyi altında komanda bu mövsüm 31 matça çıxıb, bunlardan 19-da qələbə, 5-də heç-heçə, 7-də isə məğlub olub.

"Arsenal" 21 turdan sonra hazırda 43 xalla turnir cədvəlində 3-cü yerdədir.