Kazemiro Erik ten Haqın oyunundan razıdı

"Mançester Yunayted"in yarımmüdafiəçisi Kazemiro komandanın hazırkı vəziyyəti ilə bağlı açıqlama verib.

90deqiqe.az xəbər verir ki, braziliyalı futbolçu komandanın bu mövsüm ən yaxşı nəticələrinin olmaması fonunda Erik ten Haqın qalıb-qalmamasını belə şərh edib.

“Kimin məşqçi olacağını müəyyənləşdirən şəxs mən deyiləm. Bunu etmək üçün düzgün adamlarımız var, lakin ten Haq keçən mövsüm göstərdi ki, "Mançester Yunayted"i başqa səviyyəyə qaldıra bilər”, - CNN Kazemirodan sitat gətirib.

Xatırladaq ki, İngiltərə çempionatının 21-ci turundan sonra “Mançester Yunayted” 32 xal toplayaraq lider “Liverpul”dan 16 xal geri qalaraq səkkizinci pillədə qərarlaşıb. Həmçinin, “qırmızı şeytanlar” hazırkı Çempionlar Liqasında qrupdan vəsiqə qazana bilməyib.