"Arsenal" top komanda deyil"

"Çelsi"nin keçmiş yarımmüdafiəçisi Co Koul "mavilər"in əzəli rəqibi - "Arsenal"la bağlı maraqlı fikirlər açıqlayıb.

90deqiqe.az xəbər verir ki, 42 yaşlı sabiq futbolçu "topçular"ı top komanda olmadığını bildirib.

"Arsenal" top komanda deyil. Bu doğrudur. Heç nə qazanmayıblarsa, necə top klub ola bilərlər?” 

“Arsenal” sonuncu dəfə ötən yay İngiltərə Superkubokunda “Mançester Siti”ni penaltilər seriyasında məğlub edərək kubok qazanmışdı. Bundan əvvəl “Topçular”ın ən mühüm nailiyyəti 2019/2020 mövsümündə İngiltərə Kubokunu qazanması olub.

“Arsenal” hazırda İngiltərə Premyer Liqasının turnir cədvəlində ikinci yerdədir. Mikel Artetanın yetirmələrinin 46 xalı var və lider "Liverpul"dan 2 xal geri qalır.

Co Koul 7 il (2003-2010-cu illər) “Çelsi”də çıxış edib. "Aristokratlar"ın bir hissəsi olaraq yarımmüdafiəçi başının üstündə doqquz kubok qaldırdı.