Klopp: "Heyət seçimi problem deyil"

"Liverpul"un baş məşqçisi Yurgen Klopp"Arsenal"la oyun üçün heyət seçimi ilə bağlı açıqlama verib.

90deqiqe.az xəbər verir ki, alman çalışdırıcı ixtiyarında çoxlu futbolçu olduğuna görə sevindiyini bildirib.

“Dəyişmə seçimi? Problem deyil. Bu mövsüm ilk dəfə lüks problemimiz var. Başlaya biləcəyimizdən fərqli mövqelərdə olan oyunçularımız var. Bu heç də problem deyil. Çox yaxında biz üç gündən bir matça çıxacağıq, ona görə də bütün oyunçuların yaxşı formada olması lazımdır. Mövsüm ərzində çoxlu zədələrimiz oldu. Futbolçuların geri qayıtması sevindiricidir”, - Klopp mətbuat konfransında deyib.

"Liverpul" növbəti matçını fevralın 4-də səfərdə "Arsenal"a qarşı keçirəcək.