Poçettino Nkunkunun vəziyyəti haqqında danışdı

"Çelsi"nin baş məşqçisi Maurisio Poçettino Kristofer Nkunku ilə bağlı açıqlama verib.

90deqiqe.az xəbər verir ki, təcrübəli çalışdırıcı fransız oyunçunun yenidən yaşıl meydanlara qayıtmasını belə şərh edib.

"Liverpul"la son oyunda fransalı 45 dəqiqə meydanda olub və qol vura bilib.Onu hərəkətdə görmək çox xoşdur. 45 dəqiqə oynadı ki, bu da onun üçün kifayət idi. Onun vəziyyətini təhlil edib dəyərləndirməliyik ki, növbəti matça başlaya bilsin. Ümid edirəm ki, o, 45 dəqiqədən çox oynaya bilər. Onunla işləməyə davam etməliyik. O, özünü göstərməyə başladı və fürsətdən istifadə edib gözəl qol vurmağı bacardı”, - deyə Poçettino mətbuat konfransı zamanı jurnalistlərə bildirib.

Qeyd edək ki, “Çelsi” fevralın 4-də“Vulverhempton”u qəbul edəcək.