Qvardioladan Haalandın klubu tərk edə biləcəyi ilə bağlı AÇIQLAMA

"Mançester Siti"nin baş məşqçisi Pep Qvardiola komandanın hücumçusu Erlinq Haalandla bağlı açıqlama verib.

90deqiqe.az xəbər verir ki, ispan çalışdırıcı İspaniya mətbuatının norveçli forvardın "Real"a keçmək niyyəti ilə bağlı yayılan şayiələri şərh edib.

"Ola bilsin ki, onların bizdən daha çox məlumatı var. Biz onun bədbəxt olduğunu hiss etmirik. Bəlkə də iki ay oynamadığı üçün yox, zədəli idi. Ola bilsin ki, İspaniya mətbuatı, xüsusən də Madrid mətbuatı bizdən daha çox məlumata malikdir.Heç kim deyə bilməz ki, o, gələndə tez uyğunlaşmayıb, ya da pis işləyib. O, ilk gündən öz səviyyəsini göstərdi, amma insanların dediklərinə hakim ola bilmirik. Əhəmiyyətli odur ki, o xoşbəxt olsun və bu belə olmayanda öz qərarını verəcək."

Xatırladaq ki, 23 yaşlı futbolçunun "şəhərlilər" ilə hazırkı müqaviləsi 2027-ci ilə qədərdir. Transfermarkt portalında verilən məlumata görə, futbolçunun bazar dəyəri 180 milyon avrodur.

Bu mövsüm norveçli "Mançester Siti"nin heyətində bütün turnirlərdə 23 oyun keçirib, 19 qol vurub və 5 məhsuldar ötürmə edib.