"Kloppun gedişi böyük itkidi"

"Arsenal"ın baş məşqçisi Mikel Arteta "Liverpul"la oyunöncəsi qonaqlara rəhbərlik edən mütəxəssis Yurgen Klopp haqda fikirlərini bölüşüb.

90deqiqe.az-ın məlumatına görə, Arteta, alman çalışdırıcının ayrılması böyük itki olduğunu bildirib.

“Əlbəttə, onun gedişi böyük itki olacaq. O, ilham mənbəyidir. O, Premyer Liqanı dəyişdirən və ona həqiqətən cəlbedici və ruhlandırıcı oyun tərzini aşılayandır. Komandanı necə qurur, yaradır və klubu necə formalaşdırır. Biz onun üçün darıxacağıq, amma o, hələlik buradadır”

Xatırladaq ki, ötən həftə Klopp bu mövsümün sonunda "Liverpul"dan ayrılacağını açıqlamışdı.

"Arsenal" - "Liverpul" matçı Londondakı "Emirates Stadium - Ashburton Grove" stadionunda baş tutacaq.