"Onlar futboldan həzz alanda komandanın özünə inamı artır”

"Mançester Yunayted"in baş məşqçisi Erik ten Haq "Vest Hem"ə qalib gəldikləri oyunla bağlı fikirlərini bölüşüb (3:0).

90deqiqe.az xəbər verir ki, niderlandlı mütəxəssis gənc oyunçuların hər matçda daha çox inkişag etdiyini bildirib.

“Son bir neçə aydır deyirəm ki, “Mançester Yunayted”in parlaq gələcəyi var. Biz dinamik futbol oynamağa qadirik. Bugünkü hədəflər gənc futbolçuların yüksək potensiala malik olduğunu göstərdi. Bütün oyunçular hər matçda inkişaf edir və daha yüksək səviyyəyə çatırlar. Onlar futboldan həzz alanda komandanın özünə inamı artır.”

Bu matçdan sonra "Mançester Yunayted" 38 xalla Premyer Liqa cədvəlinin 6-cı pilləsində qərarlaşıb. “Vest Hem” 7-ci yerdədir (36 xal).