Qvardiola Haalandın gələcəyindən danışdı

"Mançester Siti"nin baş məşqçisi Pep Qvardiola klubun hücumçusu Erlinq Haalandın gələcəyi ilə bağlı açıqlama verib.

90deqiqe.az xəbər verir ki, təcrübəli çalışdırıcı norveçli futbolçu ilə bağlı bunları deyib.

“Haaland ilə yeni müqavilə ilə bağlı danışıqlardan xəbərim yoxdur. "Real"lb marağı danışıqları sürətləndirə bilərmi? Deyə bilmərəm, mən bu işə qarışmıram. Biz onu sevirik və uzun müddət bu klubda qalmasını istəyirik. Biz ona sahib olduğumuz üçün xoşbəxtik, ümid edirəm ki, o, bizimlə olmaqdan xoşbəxtdir” 

Daha əvvəl Haalandın karyerasını "Real Madrid"də davam etdirə biləcəyi bildirilirdi.

Haaland 2022-ci ildən "Mançester Siti"də çıxış edir. Futbolçunun klubla müqaviləsi 2027-ci ilə qədərdir.

Erlinq Haaland bu mövsüm bütün turnirlərdə klub üçün 23 oyunda 19 qol vurub və 5 məhsuldar ötürmə edib.