"Çelsi" sabiq futbolçusunu unutmadı

"Çelsi" bir il əvvəl Türkiyədə baş verən güclü zəlzələlər nəticəsində yaranmış evinin dağıntıları altında dünyasını dəyişən keçmiş futbolçusu Kristian Atsu ilə bağlı paylaşım edib.

90deqiqe.az xəbər verir ki,  London klubu futbolçunun ailəsinə və dostlarına dəstəyini bildirib.

“Bir il əvvəl bu gündə Kristian Atsunu faciəvi şəkildə itirdik.Bizim düşüncələrimiz həmişə Kristianın ailəsi və dostları ilə olacaq”,  – “Çelsi”nin “X” hesabında deyilir.

Xatırladaq ki, Atsu 2013-2017-ci illərdə “mavilər”ə məxsus olsa da, London klubunda bir dənə də olsun oyun keçirmədən vaxtının çoxunu icarə əsasında keçirib. Qanalı futbolçunun son klubu 2022-ci ilin sentyabrında qoşulduğu Türkiyənin “Hatayspor”u olub. Bu komandanın tərkibində dörd matçda iştirak edib və bir qol vurub.